Katrín Oddsdóttir, héraðsdómslögmaður heldur fyrirlestur í Hriflu nk. miðvikudag, 8. febrúar, kl. 12:00. Fyrirlesturinn ber heitið:
„Það var löglegt! Hefur ákæruvaldi verið misbeitt í pólitískum tilgangi á Íslandi?"

 

Katrín Oddsdóttir, héraðsdómslögmaður heldur fyrirlestur í Hriflu nk. miðvikudag, 8. febrúar, kl. 12:00.  Fyrirlesturinn ber heitið:
„Það var löglegt! Hefur ákæruvaldi verið misbeitt í pólitískum tilgangi á Íslandi?"

Leitast verður við að skoða mál sem hafa farið hátt í umræðunni á síðustu misserum með tilliti til grunnreglna sakamálaréttarfars. Í kjölfar hrunsins hefur myndast óvanaleg staða í íslensku réttarkerfi sem sumir segja að einkennist af óþolinmæði og refsigleði en aðrir segja að einkennist af meðvirkni og hvítþvætti. Standast grunnreglur á borð við ákærureglu, jafnræðisreglu og meginreglu um sakleysi uns sekt er sönnuð þjóðfélagslega kröfu um refsingu og ábyrgð? Stefnt er að því að því að fjallað verði um efnið í samræðuformi frekar en eiginlegum fyrirlestri og gestir hvattir til að taka til máls.

Katrín Oddsdóttir er héraðsdómslögmaður og fyrrum fulltrúi í stjórnlagaráði. Hún starfar hjá Rétti lögmannsstofu. Katrín lauk BA námi í lögfræði frá Háskólanum í Reykjavík árið 2010 og meistaranámi í Mannréttindum frá University of London 2007. Áður en Katrín snéri sér að lögfræði hafði hún starfað um skeið sem blaðamaður og hugmyndasmiður á auglýsingastofu, en hún lauk BA prófi í fjölmiðlafræðum frá Dublin City University árið 2001. Áhugasvið Katrínar í lögfræði snúa fyrst og fremst að mannréttindum, stjórnskipunarrétti og stjórnsýslurétti.

 

 

Síðastliðinn laugardag voru um 60 nemendur útskrifaðir frá Háskólanum á Bifröst, úr grunnámi í viðskiptafræði, viðskiptalögfræði og HHS (heimspeki, hagfræði og stjórnmálafræði) ásamt meistaranemum af öllum sviðum skólans og þá voru einnig útskrifaðir nemendur úr diplómanámi í verslunarstjórnun. Í útskriftarræðu sinni talaði Bryndís Hlöðversdóttir rektor um akademískt frelsi og sagði að það væri hugtak sem háskólar þurfa að hafa í heiðri, en í því felst m.a. að akademískir starfsmenn geti tjáð sig og stundað rannsóknir sínar óháð eftirliti eða ritskoðun stjórnvalda eða þeirra stofnana sem þeir starfa hjá. Því til stuðnings nefndi Bryndís nýlegt frumvarp til háskólalaga þar sem kæmi fram að háskólum sé skylt að virða fræðilegt sjálfstæði starfsmanna sinna. Bryndís kom inn á þjónustusamning við menntamálaráðuneytið til 5 ára sem skólinn skrifaði nýverið undir. Að lokum sagði hún frá þátttöku Háskólans á Bifröst í alþjóðlegu verkefni á vettvangi Sameinuðu þjóðanna um átak til menntunar ábyrgra stjórnenda er stóra viðfangsefnið sem við glímum við núna, en með því setti skólinn sér það markmið að stjórnendanámið okkar sé nám sem hvetji til ábyrgrar stjórnunar.

 

Síðastliðinn laugardag voru um 60 nemendur útskrifaðir frá Háskólanum á Bifröst, úr grunnámi í viðskiptafræði, viðskiptalögfræði og HHS (heimspeki, hagfræði og stjórnmálafræði) ásamt meistaranemum af öllum sviðum skólans og þá voru einnig útskrifaðir nemendur úr diplómanámi í verslunarstjórnun. Í útskriftarræðu sinni talaði Bryndís Hlöðversdóttir rektor um akademískt frelsi og sagði að það væri hugtak sem háskólar þurfa að hafa í heiðri, en í því felst m.a. að akademískir starfsmenn geti tjáð sig og stundað rannsóknir sínar óháð eftirliti eða ritskoðun stjórnvalda eða þeirra stofnana sem þeir starfa hjá. Því til stuðnings nefndi Bryndís nýlegt frumvarp til háskólalaga þar sem kæmi fram að háskólum sé skylt að virða fræðilegt sjálfstæði starfsmanna sinna. Bryndís kom inn á þjónustusamning við menntamálaráðuneytið til 5 ára sem skólinn skrifaði nýverið undir. Að lokum sagði hún frá þátttöku Háskólans á Bifröst í alþjóðlegu verkefni á vettvangi Sameinuðu þjóðanna um átak til menntunar ábyrgra stjórnenda er stóra viðfangsefnið sem við glímum við núna, en með því setti skólinn sér það markmið að stjórnendanámið okkar sé nám sem hvetji til ábyrgrar stjórnunar.

 

Akademískt frelsi

Bryndís talaði um að það væri ekki langt síðan að þingmaður á Alþingi Íslendinga krafðist þess í fullri alvöru að kennara hér við háskólann yrði vikið úr starfi vegna greiningar á tilteknum stjórnmálaflokki, greiningar sem þingmanninum hugnaðist ekki. Bryndís sagði að þannig vinnubrögð væru ekki stunduð hér á Bifröst, að reka fólk vegna rannsókna sinna eða þjóðfélagsskoðana, jafnvel þótt þingmönnum eða stjórnvöldum kunni ekki að líka það sem sagt er. Akademískt frelsi væri þvert á móti hugtak sem háskólar þyrftu að hafa í heiðri, en í því felst m.a. að akademískir starfsmenn geti tjáð sig og stundað rannsóknir sínar óháð eftirliti eða ritskoðun stjórnvalda eða þeirra stofnana sem þeir starfa hjá. Bryndís sagði frá því að Háskólinn á Bifröst hefði beinlínis hvatt kennara sína til að taka þátt í þjóðfélagsumræðunni og láta til sín taka og það myndi hann gera áfram. Það gerðu viðkomandi einstaklingar á sína ábyrgð og skólinn myndi ekki víkja fólki úr starfi vegna skoðana sinna eða niðurstaðna í rannsóknum.

 

Fræðilegt sjálfstæði

Bryndís talaði um að í nýframlögðu frumvarpi til háskólalaga sem menntamálaráðherra hefði lagt fram, væri m.a. fjallað um þessi mál og þar segði að háskólum væri skylt að virða fræðilegt sjálfstæði starfsmanna sinna. Fræðilegt sjálfstæði starfsmanna væri skilgreint svo í frumvarpinu að það fæli í sér rétt þeirra til að fjalla um kennslugrein sína á þann hátt sem þeir teldu skynsamlegt og í samræmi við fræðilegar kröfur. Fræðilegt sjálfstæði drægi ekki úr ábyrgð starfsmanna á að fara að almennum starfsreglum og siðareglum viðkomandi háskóla. Viðfangsefni rannsókna og kennslu á einstökum fræðasviðum háskóla skyldu vera óháð afskiptum þeirra sem eiga skólann eða leggja honum til fé segir í frumvarpinu. Bryndís fagnaði þessari tillögu og sagði að það væri löngu tímabært að taka slík ákvæði upp í háskólalögum hér á landi.

 

Opinn aðgangur

Bryndís sagði frá því að Háskólinn á Bifröst hefði markað þá stefnu að sem flestir geti notið afurða þess vísindastarfs sem unnið er af akademískum starfsmönnum við skólann. Til þess að svo megi verða samþykkja akademískir starfsmenn skólans að leitast við að birta fræðigreinar sínar í opnum aðgangi, annað hvort í gegnum tímarit sem gefin eru út í opnum aðgangi eða með safnvistun. Þá heimilar sérhver akademískur starfsmaður háskólanum að gera vísindagreinar ritaðar af starfsmanninum aðgengilegar og vista þær í opnum gagnagrunnum s.s. Skemmunni. Þetta gildir um allar vísindagreinar sem ritaðar eru af starfsmanninum, einum eða með fleiri höfundum, á þeim tíma sem hann er ráðinn til háskólans. Umræða um opinn aðgang hefur verið nokkuð áberandi um skeið í háskólum hér á landi og í nágrannalöndunum, en hún snýst í reynd um réttindi almennings í stafrænum heimi, enda eru rannsóknir þær sem stundaðar eru við háskólana að miklu leyti kostaðar af almannafé og ekki óeðlilegt að almenningur njóti afrakstursins án hindrana

 

Þjónustusamningur við Mennta- og menningarmálaráðuneytið

Bryndís talaði um að skólinn hefði náð þeim rekstrarmarkmiðum sem hann setti sér í upphafi síðasta árs og að nýr samningur við ráðuneytið hefði tryggt starfsgrundvöll skólans til næstu framtíðar. Framundan biðu þau verkefni að styrkja innviði skólans enn frekar og efla sérstöðu hans sem kampusháskóla með einstaka sögu, námsframboð og kennsluhætti sem aðrir bjóða ekki upp á. Skólinn hefði alldrei reynt að gera hlutina eins og aðrir hefðu gert þá, þvert á móti hefði Háskólinn á Bifröst leitast við að efla sérstöðu sína í íslensku háskólasamfélagi og það myndi hann gera áfram. Þátttaka skólans í alþjóðlegu verkefni á vettvangi SÞ um átak til menntunar ábyrgra stjórnenda væri stóra viðfangsefnið sem skólinn glímdi við núna, en með því setti Háskólinn á Bifröst sér þau markmið að stjórnendanám skólans væri nám sem hvetti til ábyrgrar stjórnunar, ma. með tilliti til samfélagsábyrgðar, stjórnarhátta og hugmyndafræði sjálfbærrar þróunar. Nú þegar hefur námsinnihald verið endurskoðað með þetta í huga og sagði Bryndís að skólinn væri stoltur af því að vera í hópi þeirra 400 menntastofnana víðsvegar um heim sem taka þátt í átakinu.

 

Í ávörpum fulltrúa allra útskriftarhópa kom fram mikil ánægja með að hafa valið Háskólann á Bifröst. Það hefðu verið mikil forréttindi að búa á Bifröst í mátulegri fjarlægð frá amstri höfuðborgarinnar í samfélagi þar sem öll þjónusta væri til staðar fyrir fjölskyldufólk. Hann væri frábrugðinn öðrum háskólum og leggði mikla áherslu á persónlega kennslu og jafnframt að mikið verkefnaálag skólans væri gott veganesti fyrir framtíðina.

 

Hér er hægt að sjá upptöku frá ræðu rektors.

Hér er upptaka frá útskriftinni í heild sinni.

 

Næstkomandi laugardag, þann 4. febrúar verður útskrift við Háskólann á Bifröst. Athöfnin hefst kl. 14.00 og verður í Hriflu. Um 60 nemendur útskrifast úr grunnnámi og meistaranámi í háskóladeildum, ásamt nemendum í diplómanámi í verslunarstjórnun. Athöfnin tekur um klukkustund og að henni lokinni verður boðið til móttöku í Hátíðarsal skólans.

 

Næstkomandi laugardag, þann 4. febrúar verður útskrift við Háskólann á Bifröst. Athöfnin hefst kl. 14.00 og verður í Hriflu. Um 60 nemendur útskrifast úr grunnnámi og meistaranámi í háskóladeildum, ásamt nemendum í diplómanámi í verslunarstjórnun. Athöfnin tekur um klukkustund og að henni lokinni verður boðið til móttöku í Hátíðarsal skólans.

 

Hægt verður að fylgjast með útskriftinni í beinni útsendingu hér.

Katrín Jakobsdóttir, mennta- og menningarmálaráðherra og Bryndís Hlöðversdóttir, rektor Háskólans á Bifröst, skrifuðu nú fyrir helgi undir þjónustusamning um kennslu og rannsóknir við skólann til næstu fimm ára.

 

Katrín Jakobsdóttir, mennta- og menningarmálaráðherra og Bryndís Hlöðversdóttir, rektor Háskólans á Bifröst, skrifuðu nú fyrir helgi undir þjónustusamning um kennslu og rannsóknir við skólann til næstu fimm ára.

Mennta- og menningarmálaráðuneytið hefur undanfarna mánuði unnið að gerð nýrra samninga fyrir háskólastigið í heild sinni, í nánu samstarfi við háskólana. Stefnt er að því að ljúka samningagerð við alla háskólana fyrir vorið en nú þegar hafa samningar við HR og Háskólann á Bifröst verið undirritaðir.

 

Sú nýbreytni er nú höfð að leiðarljósi við gerða þjónustusamninga fyrir háskólastigið að hverjum samningi fylgir viðauki þar sem starfsemi skólanna er skilgreind nánar. Viðaukinn er afrakstur náins samstarfs ráðuneytis og skólanna. Skilgreindir hafa verið ákveðnir samstarfsferlar á milli viðkomandi skóla og ráðuneytis og verður viðaukinn til endurskoðunar ár hvert.

Markmiðið með hinu nýja samningaferli er að auka gagnsæi og eftirlit með rekstri skólanna ásamt því að regluleg endurskoðun viðauka samningsins gerir skólanum og ráðuneyti kleyft að bregðast jafnóðum við þjóðfélagsbreytingum og sníða rekstur skólanna og háskólastigins í landinu að þörfum þjóðfélagsins á hverjum tíma.

 

Katrín Jakobsdóttir, mennta- og menningarmálaráðherra og Bryndís Hlöðversdótir, rektor, skrifa undir samninginn í húsnæði skólans í Reykjavík

 

ÍMARK og viðskiptadeildir Háskóla Íslands, Háskólans í Reykjavík, Háskólans á Bifröst og Háskólans á Akureyri munu í samstarfi halda sinn fyrsta Háskólafund ÍMARK í byrjun febrúar. Tilgangur þessa fundar er að byggja brú á milli atvinnulífs og háskóla, milli fræða og praktík.

Á Háskólafundi ÍMARK verða flutt sex stutt en fjölbreytt erindi af aðilum úr háskólunum annarsvegar og aðilum úr atvinnulífinu hinsvegar. Hvert erindi tekur 10 mínútur, svokölluð örerindi, þar sem farið er yfir áhugaverð efni er tengjast markaðsmálum. Hver háskóli leggur til eitt erindi á athyglisverðum háskólaverkefnum nemenda eða kennara og einnig verða tvö fróðleg erindi úr atvinnulífinu. Rauði þráðurinn er markaðsmál.

ÍMARK og viðskiptadeildir Háskóla Íslands, Háskólans í Reykjavík, Háskólans á Bifröst og Háskólans á Akureyri munu í samstarfi halda sinn fyrsta Háskólafund ÍMARK í byrjun febrúar. Tilgangur þessa fundar er að byggja brú á milli atvinnulífs og háskóla, milli fræða og praktík.

Á Háskólafundi ÍMARK verða flutt sex stutt en fjölbreytt erindi af aðilum úr háskólunum annarsvegar og aðilum úr atvinnulífinu hinsvegar. Hvert erindi tekur 10 mínútur, svokölluð örerindi, þar sem farið er yfir áhugaverð efni er tengjast markaðsmálum. Hver háskóli leggur til eitt erindi á athyglisverðum háskólaverkefnum nemenda eða kennara og einnig verða tvö fróðleg erindi úr atvinnulífinu. Rauði þráðurinn er markaðsmál.

 

Fyrsti Háskólafundur ÍMARK verður haldinn í Háskólanum í Reykjavík, Menntavegi 1, þann 2.febrúar kl.9.00-10.30 í stofu M209.

Frír aðgangur.

Fundarstjóri: Friðrik Larsen, lektor við Viðskiptadeild Háskólans í Reykjavík.

 

Háskólinn á Bifröst

Nemandi: Bárður Örn Gunnarsson
Leiðbeinandi: Einar Svansson
Gráða: M.Sc. í nýsköpunar- og frumkvöðlafræði frá viðskiptadeild
Verkefni: Hlustað á neytandann, virði fyrir nýsköpun í þjónustu og viðskiptaþróun í ferðaiðnaði. Verkefnið er skrifað á ensku og er frumheitið: Listening to the Consumer, Value for Innovation in Services and Business Development in Tourism.
Tilgangur rannsóknarinnar er að kanna hvort og með hvaða hætti íslensk ferðaþjónustufyrirtæki nýta sér hlustun á viðskiptavini m.a. með hjálp hlustunargrunna (e. listening platforms) og hvort þau gögn sem safnað er við hlustun geti haft áhrif á nýsköpun í þjónustu og viðskiptaþróun í ferðaþjónustu.

 

Bláa lónið

Edda Sólveig Gísladóttir, markaðsstjóri.
Erindi: Breytingar á ytra umhverfi og tól markaðsfræðinnar. Jafnvægið á milli mörkunar og sölu.

 

Háskólinn í Reykjavík

Nemandi: Gylfi Aron Gylfason
Gráða: M.Sc. í Viðskiptafræði
Verkefni: Innkaupahegðun danskra og íslenskra neytenda á netinu og lýðfræðilegir áhrifaþættir.

 

Síminn

Magnús Magnússon, markaðsdeild/markaðsþróun
Erindi: Magnús fjallar um farsímatækni og markaðsfræði í praktísku umhverfi, hvernig endurhugsa má birtingar og miðla með snjallsímavæðingunni.

 

Háskóli Íslands

Nemandi: Ellert Rúnarsson
Leiðbeinandi: Friðrik Eysteinsson
Gráða: M.Sc. í Markaðsfræði og alþjóðaviðskiptum
Verkefni: Markaðshneigð og markaðsleg færni lítilla, meðalstórra og stórra fyrirtækja. Tilgangur rannsóknarinnar var að komast að því hvort markaðshneigð hafi bein tengsl við árangur eða hvort tengslin séu óbein í gegnum markaðslega færni. Einnig að kanna hver séu víxlhrif (moderation effect) stærðar fyrirtækja við fylgni markaðshneigðar, markaðslegrar færni og árangurs. Gerð var megindleg rannsókn og var þýði hennar öll lítil, meðalstór og stór íslensk fyrirtæki.

 

Næstkomandi miðvikudag kl. 12:00 mun Finnur Sveinsson, sérfræðingur í samfélagsábyrgð hjá Landsbanka Íslands halda fyrirlestur í Hriflu.  Fyrirlesturinn er á ensku og er því eftirfarandi kynning á honum á ensku:  In the lecture Finnur will explore the concept of Corporate Social Responsibility, its different definitions and how different corporate cultures as well as different social, national and cultural contexts have determined how the concept of Corporate Social Responsibility is both understood and applied.

 

Næstkomandi miðvikudag kl. 12:00 mun Finnur Sveinsson, sérfræðingur í samfélagsábyrgð hjá Landsbanka Íslands halda fyrirlestur í Hriflu. Fyrirlesturinn er á ensku og er því eftirfarandi kynning á honum á ensku:

 

In the lecture Finnur will explore the concept of Corporate Social Responsibility, its different definitions and how different corporate cultures as well as different social, national and cultural contexts have determined how the concept of Corporate Social Responsibility is both understood and applied. Finnur, who is a specialist in Corporate Social Responsibility at Landsbanki Íslands, resurrected on the foundations of one of the three large Icelandic banks who went bankrupt during the financial crisis of 2008, will take examples from the practical experience to show how some corporate actions can be viewed as either socially responsible, or irresponsible, and discuss the problems this raises. Finally, Finnur will discuss the CSR policy of Landsbankinn and how it is being implemented. Lecture is in english.

Finnur graduated with a MSc degree in Environmental studies from the University of Göteborg in 1998. In 1999-2011 he worked as a consultant on Corporate Social Responsibility for numerous Icelandic and Swedish corporations, institutions and government bodies. Since January 1 2011 Finnur has worked as a specialist in Corporate Social Responsibilty for Landsbanki Íslands.

 

Háskólinn á Bifröst hefur sett sér það markmið að sem flestir geti notið afurða þess vísindastarfs sem unnið er innan skólans. Til þess að svo megi verða hafa starfsmenn samþykkt að birta fræðigreinar sínar í opnum aðgangi, nema til komi sérstakar aðstæður, annað hvort í gegnum tímarit sem gefin eru út í opnum aðgangi eða með safnvistun. Þá vill skólinn gera vísindagreinar ritaðar af starfsmönnum aðgengilegar og vista þær í opnum gagnagrunnum s.s. Skemmunni en þar eru lokaverkefni nemenda skólans nú þegar aðgengileg almenningi.  

Háskólinn á Bifröst hefur sett sér það markmið að sem flestir geti notið afurða þess vísindastarfs sem unnið er innan skólans. Til þess að svo megi verða hafa starfsmenn samþykkt að birta fræðigreinar sínar í opnum aðgangi, nema til komi sérstakar aðstæður, annað hvort í gegnum tímarit sem gefin eru út í opnum aðgangi eða með safnvistun. Þá vill skólinn gera vísindagreinar ritaðar af starfsmönnum aðgengilegar og vista þær í opnum gagnagrunnum s.s. Skemmunni en þar eru lokaverkefni nemenda skólans nú þegar aðgengileg almenningi.

 

„Opinn aðgangur" (e. open access) er hugtak sem merkir að útgefið efni sem er afrakstur vísindastarfs, oftar en ekki kostað er af opinberu fé, háskólunum eða samkeppnissjóðum, er aðgengilegt öllum á rafrænu formi á Netinu. Yfirleitt er um að ræða ritrýndar greinar ritaðar af háskólamenntuðum fræðimönnum sem þiggja opinber laun eða styrki til þess að stunda rannsóknir sínar og fræðistörf, en almenningu þarf síðan oft að greiða sérstaklega fyrir að fá að lesa greinarnar í alþjóðlegum tímaritum. Með opnum aðgangi er reynt að tryggja að almenningur þurfi ekki að greiða þriðja aðila eða „aftur" fyrir vinnuna.

 

Með þessari ákvörðun er Háskólinn á Bifröst fyrstur íslenskra háskóla til þess að setja sér ákveðna stefnu um birtingar í opnum aðgangi, en margir af virtustu háskólum heims hafa farið þessa leið á undanförnum árum.

 

Hægt er að sjá stefnu skólans um opinn aðgang hér.

Næstkomandi mánudag hefjast hádegismálþingin aftur í húsnæði skólans að Hverfisgötu 4-6.  Málþingin voru mjög vinsæl fyrir jól og næstu mánudaga verður boðið upp á spennandi fyrirlestra.

 

Næstkomandi mánudag kemur Pétur Jóhannes Óskarsson, rannsakandi hjá CCP og EVE Online og MA í heimspeki og fjallar um mótmælaaðgerðir og pólítískan aktivisma í sýndarheimum.

 

Fyrirlesturinn ber titilinn: "Pólitískar aðgerðir og mótmæli í sýndarheimum. EVE Online og Occupy Wall Street".

 

Næstkomandi mánudag hefjast hádegismálþingin aftur í húsnæði skólans að Hverfisgötu 4-6. Málþingin voru mjög vinsæl fyrir jól og næstu mánudaga verður boðið upp á spennandi fyrirlestra.

 

Næstkomandi mánudag kemur Pétur Jóhannes Óskarsson, rannsakandi hjá CCP og EVE Online og MA í heimspeki og fjallar um mótmælaaðgerðir og pólítískan aktivisma í sýndarheimum.

 

Fyrirlesturinn ber titilinn: "Pólitískar aðgerðir og mótmæli í sýndarheimum. EVE Online og Occupy Wall Street".

Pétur Jóhannes er verkefnastjóri hins lýðræðislega kjörna fulltrúaráðs EVE Online spilara - þ.e. hann sér um hina lýðræðislegu innviði tölvuleiksins EVE Online. Á síðasta ári urðu umfangsmikil mótmæli meðal spilara í EVE Online, en spilarar mótmæltu breytingum sem fyrirtækið CCP hugðist gera á reglum og umgjörð leiksins. Þó þetta hafi ekki verið í fyrsta skipti sem íbúar þessa heims mótmæla þá voru mótmælin bæði umfangsmeiri en áður og vöktu meiri athygli en nokkru sinni fyrr. Mótmælin eru sérstaklega áhugaverð í ljósi atburða síðasta árs, þegar Occupy Wall Street hreyfingin sem átti uppruna sinn í Bandaríkjunum dreifðist um allan heim og hreyfingar internetaktivista á borð við Wikileaks og Anonymous létu til skara skríða gegn stjórnvöldum og stórfyrirtækjum.
Pétur mun fjalla um aðdraganda mótmælanna og viðbrögðum CCP auk þess að að fjalla um eðli mótmæla í sýndarheimum eins og EVE Online og þess hvaða grundvöllur er til pólitískra athafna í sýndarheimum. Þá mun hann reyna að draga lærdóm af EVE mótmælunum og reyna að yfirfæra á "raunheima" til að skerpa á spurningum sem kunna að vakna í sambandi við hreyfingar eins og Anonymous og Occupy Wall Street.

Boðið er upp á kaffi, smákökur og vitaskuld líflegar umræður!

 

Fimmtudaginn 9. febrúar kl. 18:00 mun silfurverðlaunahafinn frá Ólympíuleikunum og nemandi við Háskólann á Bifröst, Logi Geirsson, halda fyrirlesturinn: „Það fæðist enginn atvinnumaður".

Fimmtudaginn 9. febrúar kl. 18:00 mun silfurverðlaunahafinn frá Ólympíuleikunum og nemandi við Háskólann á Bifröst, Logi Geirsson, halda fyrirlesturinn: „Það fæðist enginn atvinnumaður".

Þar verður fjallað um allt milli himins og jarðar, t.d:

 

- Halda sér réttu megin í lífinu 

- Markmiðasetningu, hvernig kemst maður þangað sem maður ætlar sér?

- Mataræði

- Forvarnir

- Sjálfstraust, sjálfsímynd

- Hugarfar

 

Fyrirlesturinn er opinn öllum og býður Háskólinn á Bifröst sveitunga sérstaklega velkomna. Hann hefst klukkan 18:00　

Næstkomandi miðvikudag (25.01) verður Gunnar Thorberg Sigurðsson með fyrirlestur í Hriflu.  Hvernig á að að ná árangri í markaðssetningu á netinu? Hvernig á góð vefsíða að vera?

Farið er yfir grunnhugtök tengd viðskiptum á netinu, uppbyggingu vefsvæða og markaðssetningu á netinu. Farið er í gegnum helstu leiðir og nýjungar sem eru í boði á þessum vettvangi fyrir aðila sem vilja stunda viðskipti á netinu.  Fyrirlesturinn hefst klukkan 12:00 og eru allir velkomnir.

Næstkomandi miðvikudag (25.01) verður Gunnar Thorberg Sigurðsson með fyrirlestur í Hriflu. Mun hann fjalla um hvernig á að að ná árangri í markaðssetningu á netinu og hvernig góð vefsíða á að vera.

Farið er yfir grunnhugtök tengd viðskiptum á netinu, uppbyggingu vefsvæða og markaðssetningu á netinu. Farið er í gegnum helstu leiðir og nýjungar sem eru í boði á þessum vettvangi fyrir aðila sem vilja stunda viðskipti á netinu.

 

· Stefnumótun og uppbygging vefsvæða

· Hvernig á að skrifa texta fyrir vefi og upplýsingasíður á netinu

· Markaðssetning á leitarvélum (Leitarvélabestun)

· Vefborðar

· Markaðssetning á samfélagsmiðlum og öðrum nýmiðlum

 

Fyrirlesari: Gunnar Thorberg Sigurðsson

Gunnar er viðskiptafræðingur með masterspróf í rafrænum viðskiptum og hefur starfað við markaðssetningu á netinu frá árinu 2002. Gunnar hefur unnið sem Internet markaðsráðgjafi fyrir fjölda fyrirtækja frá árinu 2005 og er stundakennari við Háskólann í Reykjavík ásamt því að hafa verið markaðsstjóri Já undanfarin ár. Gunnar á og rekur fyrirtækið Kapall markaðsráðgjöf sem er ráðgjafafyrirtæki í markaðssetningu á netinu og uppbyggingu á vefsvæðum.

 

Fyrirlesturinn hefst klukkan 12:00 og eru allir velkomnir.

 

Gunnar Thorberg Sigurðsson

 

Kjartan Ragnarsson segir frá tilurð og þróun Landnámssetursins í Borgarnesi. Fyrirlesturinn verður í Hriflu og stendur yfir frá kl. 12:00 til 13:00.

 

 

Kjartan Ragnarsson segir frá tilurð og þróun Landnámssetursins í Borgarnesi. Fyrirlesturinn verður í Hriflu og stendur yfir frá kl. 12:00 til 13:00.

　

Kjartan Ragnarsson er framkvæmdastjóri Landnámssetursins í Borgarnesi, en hann hefur starfað við leikhús og ferðamál um árabil. Í erindi sínu mun Kjartan segja frá því hvernig eigi að gera jafnvel hinar ævintýralegustu hugmyndir að veruleka og mikilvægi þess að láta ekki reynsluleysi draga úr sér kjark. Til að ná árangri og koma draumum í framkvæmd þurfi menn að hafa "höfuðið í skýjunum og fæturna á jörðinni" og vera tilbúnir til að afla sér nauðsynlegrar þekkingar.

 

NEXUS, rannsóknarvettvangur á sviði öryggis- og varnarmála, boðar til ráðstefnu um þjóðaröryggisstefnu Íslands
mánudaginn 16. janúar. Ráðstefnan er haldin í samvinnu við Alþjóðamálastofnun HÍ, Háskólann á Bifröst,
Rannsóknarþing norðursins, Rannsóknarteymi um öryggismál og landfræðipólitík á norðurslóðum, og Norræna húsið.
 

NEXUS, rannsóknarvettvangur á sviði öryggis- og varnarmála, boðar til ráðstefnu um þjóðaröryggisstefnu Íslands
mánudaginn 16. janúar. Ráðstefnan er haldin í samvinnu við Alþjóðamálastofnun HÍ, Háskólann á Bifröst,
Rannsóknarþing norðursins, Rannsóknarteymi um öryggismál og landfræðipólitík á norðurslóðum, og Norræna húsið.

Þrátt fyrir að áratugir séu liðnir frá því Ísland öðlaðist sjálfsstæði hefur heildstæð stefna um öryggis- og varnarmál
aldrei verið mótuð á Íslandi. Varnir landsins hafa verið í höndum utanaðkomandi aðila. Þegar bandaríski herinn hvarf
á brott árið 2006 varð ljóst að framvegis yrðu öryggismál landsins meira á ábyrgð Íslendinga sjálfra. Þessar breyttu
aðstæður kalla á heildstæða stefnumörkun og síðastliðið haust samþykkti Alþingi þingsályktunartillögu þess efnis að
utanríkisráðherra skyldi skipa nefnd sem hefði það hlutverk að móta þjóðaröryggisstefnu fyrir Ísland.

Stefnumótun sem þessi kallar á opnar og málefnalegar samfélagslegar umræður og er ráðstefnan viðleitni í þá átt.
Fyrri hluti ráðstefnunnar byggir á fyrirlestum fræðafólks sem hefur sérþekkingu á sviði öryggismála og verður sá hluti
ráðstefnunnar á ensku. Eftir hádegi verða síðan umræður með þátttöku fulltrúa stjórnmálaflokka og fer sá hluti fram
á íslensku.

Ráðstefnan fer fram í Norræna húsinu í Reykjavík og hefst klukkan 9.00. Ítarlegri dagskrá er að finna hér (pdf skjal) 

Á síðasta ári stóð Háskólinn á Bifröst fyrir fjalladagatali þar sem gengið var á nokkur fjöll í nágrenni skólans. Mikil ánægja var með þessar göngur og þátttaka með miklum ágætum. Í ár verður þessu því haldið áfram undir yfirskriftinni "Útivist í boði Bifrastar". Búið er að ákveða dagsetningarnar fyrir göngur og hægt er að nálgast þær upplýsingar hér (PDF skjal) .

 

Á síðasta ári stóð Háskólinn á Bifröst fyrir fjalladagatali þar sem gengið var á nokkur fjöll í nágrenni skólans. Mikil ánægja var með þessar göngur og þátttaka með miklum ágætum. Í ár verður þessu því haldið áfram undir yfirskriftinni "Útivist í boði Bifrastar". Búið er að ákveða dagsetningarnar fyrir göngur og hægt er að nálgast þær upplýsingar hér (PDF skjal) .

 

Sumarið nálgast óðfluga og því um að gera að taka þessar dagsetningar frá. Allar ferðir verða auglýstar sérstaklega sem viðburðir á Facebook-síðu skólans og þátttakendur beðnir um að skrá sig.

 

Útivist í boði Bifrastar er frumkvæði Háskólans á Bifröst til fjallaferða og útivistar. Ferðirnar eru ætlaðar Bifrestingum, Hollvinum, sveitungum, vinum og öðrum velunnurum skólans. Ferðirnar eru þátttakendum að kostnaðarlausu, utan þess kostnaðar sem felst í nesti, akstri og búnaði.

Ef þú ert vanur fjallagarpur og hefur áhuga á að taka að þér fararstjórn þá máttu endilega senda línu á sigrun@bifrost.is

Athugið að allar dagsetningar eru birtar með fyrirvara um breytingar.

 

Næstkomandi þriðjudag, þann 10. janúar kl. 12:00, kemur prófessor Pomp til hádegisfundar í Reykjavíkurútibúi Háskólans á Bifröst að Hverfisgötu 4-6, fimmtu hæð. Nemendur og kennarar, sem eru áhugasamir um skattarétt, eru eindregið hvattir til að mæta á þennan hádegisfund. Þá eru meðlimir Skattaréttarfélags Íslands einnig boðnir sérstaklega velkomnir. Fundarstjóri er Ingibjörg Ingvadóttir lektor á Bifröst.

 

 

Dr. Richard Pomp

Næstkomandi þriðjudag, þann 10. janúar kl. 12:00, kemur prófessor Pomp til hádegisfundar í Reykjavíkurútibúi Háskólans á Bifröst að Hverfisgötu 4-6, fimmtu hæð. Nemendur og kennarar, sem eru áhugasamir um skattarétt, eru eindregið hvattir til að mæta á þennan hádegisfund. Þá eru meðlimir Skattaréttarfélags Íslands einnig boðnir sérstaklega velkomnir. Fundarstjóri er Ingibjörg Ingvadóttir lektor á Bifröst.

 

Á hádegisfundinum mun prófessor Pomp væntanlega fjalla stuttlega um bandaríska skattkerfið (þ.m.t. söluskattskerfið), helstu vandamál sem eru á döfinni á skattasviðinu í USA og hvað er helst líkt og ólíkt með bandarísku og evrópsku skattumhverfi. Annars er prófessor Pomp opinn fyrir því að ræða hvað eina á skattasviðinu og því um að gera að vera dugleg við að bera fram fyrirspurnir. Þá er prófessor Pomp áhugasamur um að kynnast íslenskri lögfræðilegri aðferð og kennsluaðferðum í lögfræði á Íslandi, auk þess að deila sinni vitneskju og sýn á sviði amerískra aðferðarfræða. Fundurinn verður á léttum og óformlegum nótum og Háskólinn á Bifröst býður upp á samlokur.

 

Þeir sem ætla að mæta á hádegisfundinn á Hverfisgötunni eru beðnir að tilkynna þátttöku til ingibjorging@bifrost.is.

 

Einnig er vakin athygli á því að kl. 16:00 þennan sama dag heldur prófessor Pomp fyrirlestur um neysluskatta á póstverslun í Þjóðminjasafni Íslands. Fyrirlesturinn er á vegum Neytendasamtakanna og Iceland-American Business Forum. Dr. Ian Watson stjórnarmaður í framangreindum samtökum og lektor á Bifröst heldur einnig erindi. Sá viðburður er öllum opinn.

Richard Pomp er prófessor við lagadeild University of Connecticut, en hefur einnig kennt við Harvard, New York University, Colombia, Texas og Boston College, auk ýmissa háskóla utan Bandaríkjanna. Prófessor Pomp er sérfræðingur í skattarétti og höfundur kennslubókarinnar „State and Local Taxation" sem hefur verið notuð í yfir 90 skólum, af skattyfirvöldum og stærri endurskoðendafyrirtækjum, auk þess sem hlutar hennar hafa verið þýddir á erlend tungumál. Um prófessor Pomp hefur m.a. verið sagt; „one of the legends in the field" (25 State Tax Notes 869). Sjá nánar hér.  Bandaríska sendiráðið á Íslandi styrkir heimsókn dr. Pomps til Íslands.

Háskólinn á Bifröst hefur á undanförnum vikum ráðið sjö nýja akademíska starfsmenn að skólanum og tveir hafa tekið að sér ný hlutverk. Ráðningarnar koma annars vegar til vegna mannaskipta, hinsvegar vegna uppbyggingar skólans, en stjórnsýsla hans var endurskipulögð fyrr á árinu í þeim tilgangi að styrkja þróun á sviði rannsókna og kennslu. Bifröst mun á næstu árum leggja stóraukna áherslu á rannsóknir til eflingar meistaranámi skólans. Einnig verður rík áhersla lögð á að þróa kennsluaðferðir og efla sérstöðu skólans.

.

 

Háskólinn á Bifröst hefur á undanförnum vikum ráðið sjö nýja akademíska starfsmenn að skólanum og tveir hafa tekið að sér ný hlutverk. Ráðningarnar koma annars vegar til vegna mannaskipta, hinsvegar vegna uppbyggingar skólans, en stjórnsýsla hans var endurskipulögð fyrr á árinu í þeim tilgangi að styrkja þróun á sviði rannsókna og kennslu. Bifröst mun á næstu árum leggja stóraukna áherslu á rannsóknir til eflingar meistaranámi skólans. Einnig verður rík áhersla lögð á að þróa kennsluaðferðir og efla sérstöðu skólans.

 

Helga Kristín Auðunsdóttir tekur við starfi sviðsstjóra lögfræðisviðs frá áramótum. Hún lauk ML gráðu í lögfræði frá Háskólanum á Bifröst árið 2006. Árið 2009 hlaut hún Cobb Family Fellowship-styrk til framhaldsnáms við Miami háskóla og útskrifaðist með með LL.M gráðu í alþjóðalögum vorið 2010. Að loknu námi starfaði hún sem gestaprófessor við lagadeild Miami háskóla, þar sem hún kenndi evrópskan félagarétt og samkeppnisrétt. Áður starfaði hún sem lögfræðingur hjá Stoðum hf. og Greiðsluveitunni.

 

Guðmundur Thorlacius Ragnarsson tekur við hálfu starfi háskólakennara í lögfræði um áramót. Hann lauk doktorsprófi frá Westfälische Wilhelms Universität árið 2007 og starfaði í kjölfar þess sem lögmaður á LEX lögmannsstofu. Hann hefur einnig starfað sem lögfræðingur hjá Fjármálaeftirlitinu, Fjármálaráðuneytinu og Ríkisskattstjóra. Hann er nú sérfræðingur á lögfræðisviði Arion banka hf og mun gegna því starfi samhliða kennslu við Háskólann Bifröst. Sérsvið hans er einkum Evrópuréttur.

 

Aagot Vigdís Óskarsdóttir tekur við hálfu starfi háskólakennara í lögfræði um áramót. Hún lauk kandidatsprófi frá lagadeild Háskóla Íslands árið 2001 og hefur starfað hjá Stjórnarráði Íslands, umboðsmanni Alþingis, gegnt stöðu sérfræðings við Lagastofnun Háskóla Íslands og starfað fyrir rannsóknarnefnd Alþingis. Hún hefur verið stundakennari við lagadeild Háskóla Íslands og við Háskólann á Bifröst. Sérsvið hennar er auðlindaréttur, eignarréttur og umhverfisréttur.

 

Unnar Steinn Bjarndal hefur tekið við hlutastarfi sem aðjúnkt í lögfræði. Hann lauk ML prófi í lögfræði frá Háskólanum á Bifröst 2005. Unnar Steinn öðlaðist héraðsdómslögmannsréttindi á árinu 2007 og varð eigandi LS Legal í Reykjanesbæ sama ár. Unnar Steinn öðlaðist KSÍ umboðsmannaréttindi (FIFA Licensed Players’ Agent) á árinu 2007 og hefur verið ráðgjafi innlendra og erlendra afreksíþróttamanna og íþróttaliða frá þeim tíma. Hann hefur verið stundakennari við Háskólann á Bifröst um skeið.

 

Sigurbjörn Einarsson tekur við starfi sviðsstjóra viðskiptafræðisviðs frá janúar að telja. Sigurbjörn er viðskiptafræðingur frá Háskóla Íslands með Cand. Oecon gráðu frá árinu 1998. Sigurbjörn býr yfir mikilli þekkingu á fjárstýringu, fjármálastjórnun, fjárfestingu og eignastýringu. Hann hefur starfað sem framkvæmdastjóri MP Sjóða hf. hjá HF Eimskipafélagi Íslands síðar Burðarási hf. og Straumi-Burðarás hf. Hann hefur jafnframt verið stundakennari við Háskólann á Bifröst og Háskóla Íslands undanfarin ár.

 

Bryndís Björnsdóttir tekur við hálfu starfi háskólakennara í markaðsfræði um áramót. Hún lauk meistaragráðu í stjórnun markaðssamskipta frá Viðskiptaháskólanum í Kaupmannahöfn (CBS) árið 2006. Áður hafði hún lokið BS prófi í viðskiptafræði með áherslu á markaðsfræði og stjórnun. Hún hefur undanfarin fimm ár starfað sem markaðsráðgjafi og birtingastjóri hjá Auglýsingamiðlun og mun starfa þar áfram samhliða kennslu á Bifröst. Hún hefur starfað sem stundakennari í markaðsfræði á Bifröst.

 

Auður H. Ingólfsdóttir tók við starfi sviðsstjóra félagsvísindasviðs 1. september síðastliðinn. Auður lauk meistaragráðu í alþjóðasamskiptum frá Fletcher School of Law and Diplomacy frá Tuftsháskóla í Boston árið 1999 en áður lauk hún BA gráðu í alþjóðafræðum frá Washington háskóla í Seattle og prófi í hagnýtri fjölmiðlun frá Háskóla Íslands. Hún stundar nú doktorsnám í alþjóðasamskiptum við Háskóla Íslands og Háskólann í Lapplandi. Hún hefur verið lektor við Háskólann á Bifröst síðastliðin tvö ár, en starfaði áður m.a. sem sérfræðingur í Makedóníu og á Sri Lanka á vegum íslensku friðargæslunnar, sem sjálfstætt starfandi ráðgjafi og á alþjóðaskrifstofu umhverfisráðuneytisins.

 

Kári Joensen tók við starfi forstöðumanns Rannsóknamiðstöðvar Háskólans á Bifröst 1. september síðastliðinn. Kári lauk MS prófi í hagfræði frá Háskóla Íslands 2007 og áður BS prófi í iðnaðarverkfræði frá sama skóla. Hann hefur undanfarin ár starfað sem hagfræðingur við Rannsóknasetur verslunarinnar auk þess að sinna kennslu við Háskólann á Bifröst. Þar áður starfaði hann sem sérfræðingur á efnahagssviði Hagstofu Íslands.

 

Sigrún Lilja Einarsdóttir tekur við starfi háskólakennara í aðferðafræði og sérfræðings Rannsóknamiðstöðvar í byrjun næsta árs. Hún stundar doktorsnám í félagsfræði við Háskólann í Exeter og mun verja doktorsritgerð sína vorið 2012. Sigrún er með MA-gráðu í menningarstjórnun frá Háskólanum á Bifröst, kennslufræði til kennsluréttinda frá Háskólanum á Akureyri og BA-gráðu í almennri bókmenntafræði frá Háskóla Íslands. Sigrún hefur starfað við kennslu á ýmsum skólastigum en þó lengst sem kennari við Menntaskólann að Laugarvatni. Jafnframt hefur Sigrún starfað á skrifstofu Háskólans á Bifröst, sinnt stundakennslu við félagsvísindasvið sem og ýmsum sérfræðistörfum við Rannsóknamiðstöð Háskólans á Bifröst.

Velta í dagvöruverslun jókst um 0,4% á föstu verðlagi í nóvember miðað við sama mánuð í fyrra og jókst um 5,1% á breytilegu verðlagi. Leiðrétt fyrir árstíðabundnum þáttum jókst velta dagvöruverslana í nóvember um 0,3% frá sama mánuði í fyrra. Verð á dagvöru hefur hækkað um 4,6% á síðastliðnum 12 mánuðum.

 

Velta í dagvöruverslun jókst um 0,4% á föstu verðlagi í nóvember miðað við sama mánuð í fyrra og jókst um 5,1% á breytilegu verðlagi. Leiðrétt fyrir árstíðabundnum þáttum jókst velta dagvöruverslana í nóvember um 0,3% frá sama mánuði í fyrra. Verð á dagvöru hefur hækkað um 4,6% á síðastliðnum 12 mánuðum.

 

Sala áfengis jókst um 1,7% í nóvember miðað við sama mánuð í fyrra á föstu verðlagi og um 5,5% á breytilegu verðlagi. Leiðrétt fyrir árstíðabundnum þáttum nam samdráttur í veltu áfengis í nóvember 1,6% frá sama mánuði í fyrra. Verð á áfengi var 3,8% hærra í nóvember síðastliðnum en í sama mánuði í fyrra.

 

Fataverslun dróst saman um 1,4% í nóvember miðað við sama mánuð í fyrra á föstu verðlagi og um 0,8% á breytilegu verðlagi á sama tímabili. Leiðrétt fyrir árstíðabundnum þáttum dróst velta fataverslunar í nóvember saman um 4,1% frá sama mánuði árið áður. Verð á fötum hækkaði um 0,7% frá sama mánuði fyrir ári.

 

Velta skóverslunar jókst um 7,7% í nóvember á föstu verðlagi og um 13,6% á breytilegu verðlagi miðað við sama mánuð í fyrra. Verð á skóm hækkaði um 5,5% frá nóvember í fyrra.

 

Velta húsgagnaverslana jókst um 8,8% í nóvember frá sama mánuði í fyrra á föstu verðlagi og um 14,0% á breytilegu verðlagi. Verð á húsgögnum var 4,8% hærra í nóvember síðastliðnum miðað við sama mánuð í fyrra. Velta sérverslana með rúm jókst um 37,1% frá sama mánuði í fyrra á föstu verðlagi. Velta í sölu skrifstofuhúsgagna dróst saman um 8,8% í nóvember síðastliðnum samanborið við sama mánuð í fyrra á föstu verðlagi.

 

Sala á raftækjum í nóvember jókst um 14,9% á föstu verðlagi og um 10,5% á breytilegu verðlagi. Verð á raftækjum var 3,8% lægra en í nóvember 2010.

　

 

 

 

Verðlag og neysla

Nokkur aukning varð í byrjun jólaverslunarinnar í nóvember. Sérstaklega á það við um raftækjaverslun sem jókst um 14,9% að raunvirði frá nóvember í fyrra. Verð á raftækjum hefur þokast niður á við undanfarin misseri og sala aukist frá árunum 2009 og 2010. Þá er húsgagnaverslun farin að taka við sér eftir mikinn samdrátt á síðustu árum. Velta húsgagnaverslana hefur aukist um tæp 9% að raunvirði frá því fyrir ári síðan. Aðra sögu er að segja af fataverslun sem á enn í vök að verjast og hefur ekki náð sér á strik eftir að fór að halla undan fæti í kjölfar efnahagshrunsins. Svipaða sögu er að segja af skóverslun.

 

Sala á dagvöru í nóvember var að magni til mjög svipuð og í fyrra, óx um brot úr prósenti, en í krónum talið var veltuaukning rúm 5%. Aukin velta að nafnvirði stafar fyrst og fremst af verðbólgu sem er um 4,6% milli ára fyrir dagvöru í nóvember. Árin 2009 og 2010 einkenndust af mikilli verðbólgu á dagvörumarkaði sem rekja mátti til veikrar krónu og hækkandi heimsmarkaðsverðs á hrávörum. Verðbólgan hjaðnaði á síðari hluta ársins 2010 og náði þá gildum undir 1% en hefur síðasta hálfa árið verið að aukast á ný. Verðþróun áfengis hefur fylgt svipaðri þróun og neysla áfengis hefur að magni til haldist stöðug undanfarin tvö ár.

 

Samkvæmt spá Rannsóknaseturs verslunarinnar um jólaverslunina 2011 er gert ráð fyrir að veltan aukist um 2,5% að nafnvirði og dragist saman að raunvirði um 2,0% frá fyrra ári. Spáin er byggð á þróun neyslu það sem af er þessu ári og niðurstaðan er til að mynda á svipuðum nótum og niðurstaða sem neytendasamtök vestanhafs hafa birt fyrir horfur í smásölu þar í landi (sjá nánar hér)

 

Velta innlendra greiðslukorta hefur aukist um 7,9% síðasta árið samkvæmt tölum frá Seðlabanka Íslands og er það nokkuð í takt við þær mælingar á smásöluveltu sem hér eru birtar. Notkun innlendra korta erlendis hefur hins vegar aukist um 14,3% frá því í fyrra. Á sama tíma eykst notkun erlendra greiðslukorta á Íslandi um 12,7% og birtist þarna vísbending um að neytendur eyði hlutfallslega meiru í ferðalög en var fyrir ári.

 

Nánari upplýsingar veita Kári Joensen (kari@bifrost.is) í síma 862 4554 og Emil B. Karlsson (emil@bifrost.is), forstöðumaður Rannsóknaseturs verslunarinnar.

 

Næstkomandi þriðjudag, 13.desember kl. 13:00 verður hádegismálþing á Hverfisgötunni.

Dr. Eiríkur Bergmann og Dr. Jón Gunnar Bernburg munu kynna óbirtar niðurstöður stórra rannsóknarverkefna sem þeir hafa unnið að undanfarin ár. 

Næstkomandi þriðjudag, 13.desember kl. 13:00 verður hádegismálþing á Hverfisgötunni. 

 

Dr. Eiríkur Bergmann og Dr. Jón Gunnar Bernburg munu kynna óbirtar niðurstöður stórra rannsóknarverkefna sem þeir hafa unnið að undanfarin ár.
　
Eiríkur Bergmann, dósent við Háskólann á Bifröst: "Alhrun íslenskra stjórnmála?"

 

Jón Gunnar Bernburg, prófessor við Háskóla Íslands: "Mótmælendur og almenningur veturinn 2008-9: Af hverju tók fólk þátt í "Búsáhaldabyltingunni"?"　

 

Rannsóknarverkefni　Eiríks Bergmann byggir meðal annars á viðtölum við þátttakendur í íslensku efnahags- og stjórnmálalífi og samstarfsmenn þeirra utan landsteinanna og miðar að því að varpa ljósi á hvaða hugmyndir liggja til grundvallar endurreisnar Íslands.

 

Jón　Gunnar fjallar um viðamikla rannsókn á þátttöku almennings í　Búsáhaldabyltingunni svonefndu. Rannsóknin byggir á stöðluðum viðtölum við líkindaúrtak 610 einstaklinga á höfuðborgarsvæðinu. Skoðað er hvað einkennir félagslega stöðu og viðhorf þeirra einstaklinga sem mættu ítrekað í fjöldamótmælin í miðbæ Reykjavíkur í janúar 2009.

 

Í nýjasta tölublaði tímaritsins Nýtt líf er grein eftir Elínu Blöndal, prófessor við lagadeild, um konur og fjármál. Greinin ber heitið "Vertu þinn eigin fjármálagúru" og birtum við hana hér.

Í nýjasta tölublaði tímaritsins Nýtt líf er grein eftir Elínu Blöndal, prófessor við lagadeild, um konur og fjármál. Greinin ber heitið "Vertu þinn eigin fjármálagúru" og birtum við hana hér.

 

 

Vertu þinn eigin fjármálagúrú!

 

Ég veit ekki nákvæmlega hvers vegna það gerðist – en allt í einu fór ég að hugsa um peninga með nýjum hætti. Kannski var það fjármálahrunið eða sú staðreynd að ég gekk með þriðja barnið, nývaknað fjármálagen eða eitthvað annað sem ýtti svona við mér. Hvað sem því líður, einn daginn tók ég einfaldlega ákvörðun um að axla ábyrgð á eigin fjármálum. Ákvörðunin var byggð á einhverjum svona forsendum: Skrambinn sjálfur, nú þarf ég að fara að hugsa um þetta líka, ofan á allt annað, eins og fjármál eru nú flókið og leiðinlegt viðfangsefni. Einhvernvegin höfðu málin nefnilega þróast þannig að ég hafði látið öðrum eftir að hugsa um peningamál í hvaða samhengi sem það svo sem var. Þessir einhverjir aðrir höfðu sérhæft sig í fjármálum og þeim hlaut að vera treystandi fyrir þeim. Ég taldi mig sem sagt hafa um ansi margt annað mikilvægara & skemmtilegra að hugsa. Fram að þessu hafði ég komist upp með fremur einfalda hagfræði: að peningar væru til lítils annars en að eyða þeim á nokkurn veginn sama hraða og þeirra væri aflað. Eftir að þetta fjármála óöryggi helltist yfir áttaði ég mig hins vegar fljótlega á því hversu óábyrg afstaða mín til peninga var í raun. Niðurstaðan varð síðan sú að það að taka fjármálin í gegn er frábær leið til að skapa sér ekki bara öryggi heldur einnig rými til að vera til og njóta lífsins.

Það eru auðvitað til margar leiðir í ábyrgri afstöðu til peninga – en í mínum huga snýst málið í hnotskurn um að afla sér nauðsynlegrar grunnþekkingar og nýta hana síðan sér og öðrum til hagsbóta. Hér á eftir eru nokkru skref til ábyrgrar fjármálahugsunar – sem hafa nýst mér vel í göngunni í átt til nýs lífs sem minn eigin fjármálagúrú.

 

1. Finndu þína eigin hvata, þ.e. ástæður sem ýta við þér, til að gera peninga og fjármál að þínu viðfangsefni. Þeir geta verið margvíslegir, s.s. að draga úr vinnu til að skapa rými til að sinna sjálfri þér betur, fjölskyldu þinni eða áhugamálum. Hvað með ferðalög til fjarlægra landa? Eða aukin tækifæri til að gefa til góðgerðarmála eða sinna sjálfboðaliðastörfum? Jafnvel að kaupa draumahúsið, draumabílinn, nýtt sófasett, hljóðfæri eða bara einhverja aðra hluti. Leitaðu eftir þínum hvötum, hverjir svo sem þeir eru.

Hvatarnir þurfa ekki að vera nákvæmlega skilgreindir í upphafi, en eftir því sem þú gerir þér betur grein fyrir því hvað hvetur þig áfram verður áhugaverðara fyrir þig að halda vel utan um fjármálin. Og eftir því sem þér tekst að tengja betur mikilvægi þess að passa upp á peningana, ekki aðeins fyrir sjálfa þig heldur einnig aðra (fjölskyldu, nærumhverfi og/eða samfélagið) þess betur gerir þú þér grein fyrir því hve áríðandi þetta er - sem aftur drífur þig áfram í að hefjast þá þegar handa. Slík hvatning var engan engan veginn skilgreind hjá mér til að byrja með, en síðar komst ég að því að minn raunverulegi hvati var a.m.k. tímabundin þörf fyrir að draga úr vinnu vegna annarra krefjandi viðfangsefna.

 

2. Hafðu markmiðin skýr og einnig hvernig þú ætlar að ná þessum markmiðum. Sjáðu fyrir þér skref fyrir skref hvernig þú ætlar að ná settum markmiðum, hvort sem þau eru á útgjaldahliðinni eða tekjuhliðinni og skrifaðu það hjá þér. Sumum hentar betur að byrja smátt og bæta síðan við, öðrum að gera breytingar í stórum skrefum. Það tók mig talsverðan tíma að taka ákvörðun um mín meginmarkmið og aðgerðir. En í framhaldi af því að ná að spara þó nokkra fjárhæð tók ég mér leyfi frá vinnu og skráði mig í nám sem mig var lengi búið að dreyma um.

 

3. Útgjaldahliðin. Einbeittu þér að útgjöldunum. Sem dæmi um stóra fasta útgjaldaliði einstaklinga og heimila eru húsnæðislán, önnur lán, tryggingar, yfirdráttur, orkureikningar, sími og netnotkun, áskriftir að fjölmiðlum og tímaritum, o.s.frv. Hægt er að spara verulega með því að fara kerfisbundið yfir þessa liði og leiðir til að lækka þá. Innkaup heimilisins þarfnast sérstakrar skoðunar. Þegar maðurinn minn tók að sér matarinnkaupin spöruðust miklir peningar – hann kaupir bara það sem er á listanum, punktur. Það tók hann að vísu smá tíma að tileinka sér kostnaðarvitund gagnvart mat og heimilisvörum en nú er hann mun snjallari í þessu en ég – og líf mitt mun einfaldara. Greindu önnur útgjöld líka, s.s. mánaðarleg útgjöld í snyrtivörur, fatnað, hárgreiðslustofur, snyrtistofur, líkamsrækt o.fl. og farðu yfir þau með sama hætti.

 

4. Tekjuhliðin. Einbeittu þér síðan að tekjunum. Það eru fleiri möguleikar til að auka tekjur en að biðja um launahækkun eða sækjast eftir stöðuhækkun – en íhugaðu það auðvitað líka. Rannsóknir hafa sýnt að starfsmenn sýna bestan árangur og fá hærri tekjur ef þeir vinna við eitthvað sem skiptir þá máli – þarft þú að endurskoða viðhorf þín til þess sem þú starfar við? Eða jafnvel leita að vinnu sem hentar þér betur? Hvað með eigin atvinnurekstur, myndi slíkt skapa þér aukna lífsfyllingu og þar með auka tekjur þínar? Taktu þér tíma í að íhuga málin og mundu að þegar álagið á útgjaldahliðinni minnkar, er meira svigrúm og frelsi tekjumegin.

 

5. Leggðu ákveðna fjárhæð fyrir mánaðarlega - fjárfestu. Finndu fjárfestingarleiðir og vertu opin fyrir hvað getur talist góð fjárfesting. Það getur t.d. verið góð leið á einum tíma að greiða niður húsnæðislánin í stað þess að fjárfesta í nýjum hlutum eða bréfum. Ræddu við sérfræðinga í sambandi við mögulegar fjárfestingarleiðir áður en þú tekur þína eigin ákvarðanir. Það er grunnstef í fjármálafræðum að ávaxta peningana á sem bestan hátt og það verður þú að tileinka þér.

 

6. Lærðu samningatækni og tileinkaðu þér hana. Semdu um allt á milli himins og jarðar. Hver elskar ekki að versla á prúttmörkuðum erlendis þar sem hægt kaupa vörur á helming af uppsettu verði? Það eru fleiri möguleikar á þessu hér á landi en margir átta sig á, enda almennt mikil álagning á vörur og þjónustu. Mörgum kann að finnast óþægilegt að prútta, en það eru til fleiri leiðir og heimur samningatækninnar kennir hvernig rétt er að taka á hlutum hverju sinni. Eitt samtal við þjónustufulltrúa símafyrirtækisins míns, þar sem farið var yfir hagkvæmar leiðir leiddi til verulegrar lækkunar á föstum mánaðarlegum símakostnaði heimilisins. Þetta er bara eitt lítið dæmi.

 

7. Veltu fyrir þér hvers virði hlutirnir í rauninni eru. Ert þú að leita eftir vönduðum hlutum sem mikil vinna hefur verið lögð í? Þá er eðlilegt að þú greiðir meira fyrir þá heldur en fjöldaframleidda hluti. Fylgstu með verði, berðu saman verð milli mismunandi verslana, merkja og vara og komdu þér upp kostnaðarvitund um hið eðlilega verð hlutanna – það sem er ásættanlegt að gefa fyrir þá miðað við gæði og notagildi. Þetta er frábær leið til að takmarka flæði á útgjaldahliðinni.

 

8. Lærdómsferli. Nýttu þér þá fjármálaþekkingu sem þú hefur – það mun koma þér á óvart hversu mikil hún er - og aflaðu þér þekkingar á því sem upp á vantar. Þekkingaröflunin er viðvarandi ferli en smá saman fær maður tilfinningu fyrir lögmálum fjármálaheimsins, eins og öðru. Fjölmargar áhugaverðar bækur og greinar hafa verið skrifaðar um fjármál, konur og fjármál og hagfræði almennings og heimila. Íhugaðu að stofna eða ganga í fjármálaklúbb þar sem félagar afla sér sameiginlega þekkingar á fjármálum og fjárfesta jafnvel sameiginlega.

 

9. Njóttu þess að láta peningana vinna með þér en ekki á móti. Passaðu upp á tekjur þínar og leggðu fyrir ákveðinn hluta þeirra – sem sparast þar sem þú ert svo snjöll að takmarka útgjöldin. Eyddu síðan hluta sparnaðarins í það sem skiptir þig máli, fjárfestu eins og kostur er og eigðu langtímasparnað fram á efri ár. Finndu þínar eigin leiðir og vertu skapandi, þ.e. leitaðu eftir nýjum hugmyndum sem henta þér til að ná þínum markmiðum. Gerðu að mottói þínu að vera þinn eigin fjármálagúrú – ef þú ert það ekki nú þegar kann skemmtanagildi þess koma þér verulega á óvart!

Háskólinn á Bifröst býður til hádegismálþinga í húsnæði skólans í Reykjavík, á Hverfisgötu 4-6, fimmtu hæð.

Á mánudaginn næstkomandi, milli 12:00 og 13:00 munu Arnaldur Sölvi Kristjánsson, hagfræðingur og Ingimar Karl Helgason blaðamaður fjalla um efnahagslegt réttlæti, misskiptingu og fátækt.

Háskólinn á Bifröst býður til hádegismálþinga í húsnæði skólans í Reykjavík, á Hverfisgötu 4-6, fimmtu hæð.

Á mánudaginn næstkomandi, milli 12:00 og 13:00 munu Arnaldur Sölvi Kristjánsson, hagfræðingur og Ingimar Karl Helgason blaðamaður fjalla um efnahagslegt réttlæti, misskiptingu og fátækt.

 

Málþing: Tekjuskipting, félagslegur ójöfnuður og efnahagslegt réttlæti.

Arnaldur Sölvi Kristjánsson, hagfræðingur: "Þróun tekjuskiptingar á

Íslandi - ástæður og afleiðingar"

Ingimar Karl Helgason, blaðamaður: "Óskhyggja eða veruleiki: Hvaða mynd draga fjölmiðlarnir upp af misskiptingu og fátækt, eða, er engin kreppa og engin fátækt fyrst fólk stendur í biðröð í Lindex?"

 

Arnaldur Sölvi er hagfræðingur hjá Þjóðmálastofnun Háskóla Íslands og vinnur þar að rannsóknum um tekjuskiptingu og skattamálum. Í erindinu, sem byggt er á nýjum rannsóknum Arnaldar sem ekki hafa enn verið birtar, mun hann fjalla um þróun tekjuskiptingar á Íslandi síðustu áratugi. Bæði verður varpað ljósi á það með hvaða hætti tekjudreifingin breyttist og hvaða þættir hafa ollið breytingunum.

 

Ingimar Karl Helgason blaðamaður mun svo ræða um hvernig fjölmiðlar hafa fjallað um þessa þróun, og þá oft á tíðum með þeim afleiðingum að upp hefur verið dregin mjög skekkt mynd af efnahagslegri misskiptingu á Íslandi.

Í vikunni á eftir, þann 13. desember, munu þeir Jón Gunnar Bernburg prófessor við Háskóla Íslands og Eiríkur Bergmann dósent við Háskólann á Bifröst um mjög svo áhugaverð rannsóknarverkefni sín.

　

Allir fundirnir eru haldnir í húsnæði Háskólans á Bifröst á Hverfisgötu 4-6, fimmtu hæð, og hefjast klukkan 12:00 og er lokið klukkan 13:00.

Boðið er upp á kaffi og piparkökur, auk líflegrar umræðu!