Markaðsfræði - fjarnám
Símenntun Háskólans á Bifröst býður upp á 6 vikna námskeið í markaðsfræði í fjarnámi. Námskeiðið stendur yfir í 6 vikur og hefst með vinnuhelgi á Bifröst 1.-2. október 2010.
Kennari er Magnús Bjarni Baldursson, formaður SÍA, Sambands íslenskra auglýsingastofa.
Lýsing
Á námskeiðinu er m.a. fjallað um eftirtalda þætti :
- Grundvallarhugtök markaðsstarfs og almennt um stefnumótun markaðsmála
- Markaðsumhverfið almennt séð og í alþjóðlegu samhengi
- Neytenda- og kaupendahegðun
- Markaðsstarf milli fyrirtækja, stofnana og félaga (B2B)
- Markaðsrannsóknir og nýting þeirra í markaðsstarfi
- Markaðsaðgreining og staðfærsla
- Að efna til langtímasambands við viðskiptavininn
- Samkeppni
- Merki og umbúðalausnir
- Vöruþróun og stjórnun líftíma vöru
- Stefnumótun í verðlagningu og verðmyndun
- Samþætt boðmiðlun, auglýsingar, söluhvatar og almannatengsl
- Markaðssetning þjónustu
- Bein markaðssókn
- Stjórnun boðmiðlunar eftir samskiptaleiðum
- Markaðsmál, samfélagið og siðfræði í markaðsmálum og auglýsingum
Unnin verða raunhæf verkefni, bæði í hópum og einstaklingsverkefni.
|
Eftir námskeiðið eiga nemendur að:
- Skilja mikilvægi markaðsfræðinnar í viðskiptum
- Skilja lykilatriði markaðsfræðinnar
- Skilja lykilatriði sölumála
- Geta framkvæmt markhópagreiningu
|
Kennslufyrirkomulag
Glærur, upptökur og annað efni verður sett tvisvar í viku inn á Námskjá, fjarnámsvef Háskólans á Bifröst og er hægt að hlýða á það hvenær sólahringsins sem er. Námsmat byggist á verkefnum.
Þátttökugjald er kr. 55.000 og innifalið í því er gisting og fæði á vinnuhelgi.
Nánari upplýsingar og skráningu annast Geirlaug Jóhannsdóttir, verkefnastjóri símenntunar, í síma 433-3015, geirlaug@bifrost.is
|