Máttur kvenna II er framhald námskeiðsins Máttur kvenna.  Eins og fyrr er um að ræða þriggja mánaða rekstrarnám fyrir konur sem hefst og lýkur með vinnuhelgi á Bifröst.

Námið sjálft er fjarnám sem fer fram í gegnum fjarnámsvef Háskólans á Bifröst. 

Boðið er upp á Mátt kvenna II á vorönn 2012. Námið hefst þá með vinnuhelgi á Bifröst 24.-25. febrúar og lýkur í byrjun maí með formlegri útskrift á Bifröst.

Þátttökugjald er 115.000 krónur. Innifalið í verðinu er kennsla í fjarnámi, 2 vinnuhelgar, gisting og matur.

Máttur kvenna I og II að vori 2010

Markmið  

Markmiðið með þessu námskeiði er að auka en frekar hæfni og þekkingu kvenna í atvinnurekstri. Auk þess að undirbúa nemendur fyrir almennan rekstur smærri fyrirtækja, er lögð áhersla á að viðhalda og efla tengslanet kvenna.

Námsgreinar

Eftirtaldar námsgreinar verða kenndar í Mætti kvenna II:

Bókhald II

Viðskiptaenska

Skattur

Rekstrarhagfræði

Samningatækni

Mannauðsstjórnun 

 

Fyrirkomulag námsins

Námið tekur alls 12 vikur í fjarnámi en það hefst og því lýkur með sameiginlegum vinnuhelgum á Bifröst.  Á fyrri vinnuhelginni er áhersla á nýsköpun og frumkvöðla. Fyrirkomulag fjarnámsins verður með þeim hætti að sendir verða út fjórir fyrirlestrar í hverri grein, auk þess sem skila þarf verkefnum. Nemendur geta hlustað á fyrirlestrana þegar þeim hentar og þar sem þeim hentar. Náminu lýkur svo með annarri vinnuhelgi og útskrift á Bifröst. Gera má ráð fyrir að verja þurfi u.þ.b. 10 klst. á viku í námið.

 

 

Nánari upplýsingar um Mátt kvenna II veitir verkefnastjóri símenntunar, Geirlaug Jóhannsdóttir, í síma 433 3015 eða með tölvupósti: geirlaug@bifrost.is. 

 

 

Útskriftarhópur í Mætti kvenna II 28. maí 2011